చిటపటలు

నీ కంటే 
నీ మాటలే వెంటాడతాయి 


నేనేమంటానోనని
నీవు విసిరే బాణాలు గుచ్చుకొని 
నా లోపలి వాక్యాలు కూడా 
విరిగి వికలాంగాలై మూలుగుతాయి 


నీ ఒక్క దానికే 
సువాసనా స్పందనలు తెలిసే 
హృదయమున్నదని నీ ఊహ 
అలా చేసేందుకు నా గుండె 
ఎన్ని గిరికీలు కొడుతుందో 
నీకు తట్టదు,పట్టదు.


ఎప్పుడూ విచారాలు 
వివాదాలు ,తర్కాలు 
బాణాసంచాలు  ...


ఇద్దరమూ కలిసి 
ఈ సమయానికి కాస్త 
విశ్రాంతి నివ్వకూడదూ ...


        .....