ఒక మెట్టిక్కిన కాలం

చిట్టి గులాబీలు 
గుండ్రని మల్లెలు 
నూనేరాసి పౌడరద్దుకొని


సముద్రాన్ని 
బాటిళ్ళలో నింపుకొని 


ఇంకా ఎదగాల్సిన 
చిన్ని చిన్ని వెన్నెముకలు 
తెలియని భవిష్యత్తును 
సగం పచ్చి నిద్రను
కొత్త బాగుల్లో మోసుకొని 


తప్పొప్పుల పాఠాలు
చివర్లో కొత్త ఖాళీలు 
నిశ్శేష భిన్నాలు 
చీకటి చరిత్రలు 
దవడకు పెట్టుకొని 
చప్పరిస్తూ 


బ్రాకెట్లలో ఇమడని 
కొట్టుకులాడే మెదళ్ళను 
డ్రిల్ టైం లొ ఎగరేసుకుంటూ 
మమ్మీ స్నాక్ నవ్వుల్ని
నములుకుంటూ ...


స్కూల్ 
పులకింతలు 
చూద్దాం వస్తావా!


     .....