విత్తనపు వేళ్ళు

రెండు 
దూప మెదళ్ళు 
మెలికలు తిరిగి 


కోరిక పుట్టిన 
నదీ లోయల్లో కరిగి 


కంటి కండరాల 
దడ దడ ల ఢంకారావంతో 


గడ్డి పోచల వలె 
శూలాలైన వెంట్రుకల నరాలు 
నిటారు ప్రాణంతో 


వెన్నెముక నిండా 
విద్యుత్తు నాట్యం చేస్తూ 
నాడుల సొగసు కోరల మీద 
మంత్ర దాడుల పొగ లేచి 
లేచి  
రక్తం రచించిన జీవంతో 


ఎర్రెర్రని దూది 
నిండిన హార్మోన్ల తేజస్సు 
చేసిన తాండవం తో 


జలదరించిన మేఘాలు 
రాల్చిన వర్షపు చుక్కలో 
ఒదిగిన ఓజస్సు 


నేల రాలి 
సృష్టిని మోసే 
భావి విత్తనమై 
కలలను  పొదుగుకుంటూ 


      *****