చల్ చల్ గుర్రం
చలాకి గుర్రం
ఆటలు పాటలు సాగాలి
ఆనందమె అంతా నిండాలి
పారే నీటిని కలవాలి
వీచే గాలిని నిమరాలి
కోకిల గొంతును తడమాలి
పిచ్చుక గూళ్ళను నేయాలి
నెమలి ఈకలా మెరవాలి
గాలి పటంలా ఎదగాలి
రోజా పూల సొగసడగాలి
మందారంలా మురవాలి
అక్షరాలతో ఆడాలి అహ
లెక్కలతోన ఎగరాలి
తీసివేయాలి కోపాలు
కలిసిపోవుటే కూడికలు
ఒకటి నుండి పది స్నేహాలు
ఎక్కడ కూడా విడిపోవు
భాగాహరమే వివేకము
గుణకారాలౌ మంచితనం
ఎందుకు?ప్రశ్నను విడవద్దు
ఏమిటో?తెలుసుకో ప్రతి పొద్దు
వదిలి వేయకు ప్రతి పేజి
వెంటపడితే ప్రతిదీ ఈజీ
పెద్దలయెడ నీ గౌరవమే
వెంటవచ్చునీ బతుకంతా
మానవత్వము ఎదగడమే
మనుషుల తరగని విలువంతా " చల్ చల్ "
.....