ఆత్మ కేంద్రకం

కంఠంలో ఎవరో?
వెలుతురు కిటికీలన్నీ మూతలు పడినట్టు
వికలాంగ దుఃఖం

నిర్మానుష్య సమయం
నేను మనిషిని కానప్పుడో కాదో
గోడకు తగులుతున్నాయి కాలండర్
టీవీ మీద గడియారం
భూమికి వేలాడుతూ....

మొండి వాదనలు ఒంటరిగా
ఆకలికి చుట్టుకుటాయి

శబ్దం ఎలకలు చుట్టూ తిరిగి
గిన్నెల మీద పడిపోయింది
చిందర వందర కళ్లల్లోంచి
మెతుకులు మెతుకులు గా బతుకు

పుస్తకాల వాసనతో
అజ్ఞానం తీరేదిగా లేదు

జీవితం రుచి వెగటు వెగటు

నన్ను పంచుకోనందుకు ఒక హృదయం పగిలిపోయింది
పంచుకున్నందుకు ఒక గుండె బద్దలయ్యింది

ఉఛ్వాస నిశ్వాసల మధ్య
విశ్రాంతి కోసం
వెతుకులాట.

......
28-6-2013.