చెదలుకు కూడా ఆహారం కావాలి

సాగిపోతున్న కన్నీటి ఉదయాన
రవంత నీ నులివెచ్చని నీడ కింద
ఎవరూ సిద్ధంగా లేరు

ఏ పలుకూ అమృతమయం కాని సమయమూ
నీ వెంట ఎండపొడతో నిలబడదు

సిమెంటు బలగాల మార్బలం
ఎప్పుడో ఘనీభవన స్థితిని చేరింది

కొన్ని వాసనల మునిగిపోయిన పెదాలు
నీతిని నేర్వలేదు

చిరిగి పోతున్న కళ్ళల్లోంచి
ఎలా కనిపిస్తావో తెలుసుకదా...!

నటనలో సులభంగా కలిసిపోయిన
ప్రేమను గుర్తించక పోవడం
వాతావారణ మార్పుకి కారణం

ప్రయత్నించినా
కాదనుకోలేనితనం కింద
అవిటిమనసుకు అవస్థలే తోడు.

.....
9-1-2014