? ? ?

పొద్దున లేస్తే అదే పని
పొద్దు దూకితే అదేపని
మధ్యలో కూడా ఎప్పుడు చేసేదే

ఇంత మాత్రం దానికి
రోజూ బతుకుతున్న పేరు

ఒకరు రోజు కూలి
ఒకరేమో నెల కూలి
కొందరి బతుకే కూలి
ఎట్లయుతేంది కూలి బతుకే

ఇంత మాత్రం దానికి
రోజూ బతుకుతున్న పేరు

జేబులో పైసలున్నోడు
జబర్దస్తిగ మాట్లాడ్తడు
కొంచెం తక్కువున్నోడు
నంగి నంగి మాట్లాడ్తడు
ఏమీ లేనోడు కూడా వుంటడు
వూరికే చూస్తుంటడు

ఇంత దానికి రోజూ
గొప్పగా బతుకుతున్న పేరు

ఎవ్వరి బతుకైనా
ఒక్కటే తీరుంది
పైకి చూడ మాత్రం
ఆస్మాన్ పరఖుంది

ఈ మాత్రం దానికి
? ? ?

...