మనకు అధీనం ఉండదు

అంతా బాగానే ఉంటుంది
ఆ క్షణమే ,పాట పల్లవి కాగానే
కరెంట్ పోతుంది


ప్రశ్నలు పెట్టె పోరుకు
పారిపోవటం తప్పని సర్డుబాటుగా తోస్తుంది


అంతా సవ్యంగా సాగటం కోసం
తిప్పలు ,తీర్ధ యాత్రలు

గుండె వెనకభాగపు గోడలన్నీ
మసిబారి బూజు నిండి నిలబడతాయి


మాసం మాసం ఉపవాసాలు
జీవితం మొత్తాన్ని హాయిగా ఉంచనపుడు
ఏంటీ తప్పని తంతని
లోపల్లోపల తంతూనే వుంటుంది


అంతా బాగానే ఉంటుంది
అనుకోకుండా చేరిన మిత్రుడి ముఖం
మన నవ్వుకు కంది పోతుంది
కొన్నేండ్ల దోస్తాన
దొవలు తప్పి చిక్కుకుంటుంది


కళ్ళ కింద జీవితం
నల్లని గీతాలుగా మిగులుతుంది
ఆశ్రమాల్లో వార్తలు వింటూ
వృద్ధాప్యం సెల్ ఫోన్లో కుంటుతుంది


అంతా బాగానే ఉంటుంది
జీవితం చెప్పే పాటం మాత్రం
ఎప్పుడూ అర్ధం కాని లెక్కలా
మనసు మూల మూల్గుతుంది .

     .....
4-12-2013