తోచనివ్వనిది

ముడుచుకు పోయిన మనసు
పేరుకొనిపోయిన ప్రేమ
వాసన లేని వాసన

కాంతిని సృష్టించక పోయినా
అవసరమైనప్పుడు దారికి తెప్పించుకోగలగాలి

నీతిని దువ్వితే చాలు
మెత్తబడి చతికిల బడుతుంది
మళ్లీ లేమ్మన్న దాకా లేవదు

మంత్రజాలం ఏమీ వుండదు
మంత్రమే ఐనప్పుడు ...

కొన్ని సత్యాలు ప్రకాశ వంతంగా వెలిగినా
గుప్పెట్లో మూసినపుడు
నోరుమూసుకుంటాయి

ముందూ వెనుకా
ప్రశ్నలే నడిపిస్తుంటే
సుఖం పరుగు తీస్తుంది

జీవితం గమ్మత్తైన పాఠం గాను
పరీక్ష గానూ ఒకేసారి నిలబడుతుంది.
కొన్ని వయసుల్లో .

.....
27-11-2013.