బతికిన ముద్రలు

ఎప్పటికైనా
ఒకే ఒక రోజైనా
బాగా పండుతుంది
కన్నీటి వలయం మధ్య

రక్తం కూడా
ఎర్రమట్టి నీడల్ని పూసుకొని
చల్లబడుతుంది

గోపురాలు కట్టుకోలేని
రాల్లురప్పలు
పసిపసి పాదాల కింద
ముసిముసిగా నవ్వుతాయి

ఒక్కరోజైనా
నీ వెంట పడి
ఎర్రెర్రటి ఎండ గొడుగును పడుతుంది

అడుగడుగున దాగిన
కాంతులు
రాగాలై ఎగురుతాయి

విచ్చుకున్న సమయంచుట్టూ
తేనె చుక్కలు
ముసురుకుంటాయి

ఎప్పటికైనా
ఒక్కరోజైనా
జడుసుకోని నీ పసిమనసు
ఆకుపచ్చని ఆకాశాన్ని హత్తుకుంటుంది

.....
26-12-2013