అంతర్నివాసి

నువు వచ్చివెల్లాక
నువు తెచ్చిన రంగులచొక్కా ఊరుకోదు

పక్కన కూర్చొని
ఒక తరాన్ని పరిచయం చేస్తుంటే
మా తాత ఒకచేత్తో నడిపించిన
రోజు యాదికొచ్చింది

ఎక్కడికెక్కడికో నిన్నూ నన్నూ
మోసుకెల్లిన బతుకుదెరువు
బలమైనది

రక్తంలో లేని దూరం
రోడ్ల మీద కొలతకు చిక్కదు

అనేక వస్తువల మధ్య
వాటి నీడల నిభందనల మధ్య
నొచ్చుకుంటూ పోతున్న శ్వాసకి
కలయిక కొంత ఊరట

భూమి దరిదాపుల
నువ్వున్నావన్న ధ్యాస కూడా
నులివెచ్చని భాగ్యం

.....
24-12-2013