బాలపౌరులు

మన పిల్లలు అదృష్ట వంతులు
ముప్పై ఏండ్లు దాటిందాకా కూడా
తల్లిదండ్రులు సంకనుండి దింపరు

సుప్రభాత సేవ,దేహశుధ్ధితో సహా
అన్నం కలిపి ఆహారనాళం లోకిి
సాగనంపుతారు

అదృష్ట వంతులు ఈ- పిల్లలు
కంట్లో నలుసెరుగరు
చూపు చుట్టూతా అమ్మానాన్నలు
దడికడతారు

నిజంగా అదృష్ట వంతులే...
అమ్మనాన్నలు
ఒకరికితెలియకుండా ఒకరు
ప్రేమను కొనిపెడతారు

వీపుకు బాంకును జమ చేస్తారు
ఒక నూతన వాహనంతో ఆశ్చర్య పరిచి జీవిస్తారు
"చిరంజీవ సుఖీభవ"

కాలం కలిసొస్తే
ఒకమేడకట్టి ...కాపురం చేసేలా
కనికట్టు కడతారు

చివరికి కూడా
ఈ -పిల్లలు అదృష్టం వెంట పడిపోతారు
అనాధ ఆశ్రమాల్లో అమ్మనాన్న కి
ఒక ఫోన్ కొడతారు.
టైం దొరక్క పోతే ఏకంగా
దింపుడు కల్లం దగ్గరే విమానం దింపుతారు.

.....
బాలల దినోత్సవాన్ని యువ పిల్లలకి శుభాకాంక్షల తో.