చూస్తుండగానే
మంచం లో పడిన నాన్నకు
గొంతు పోయింది ...
సగం శరీరం చచ్చు పడింది...అంతే కాక
గుండె గతి మార్చు కుంది .....చూస్తుండగానే
కళ్లు తెరిచి కలియచూసి కన్ను మూసాడు
కాలం గిర్రున
చెంప దెబ్బ కొట్టింది..
వలస బతుకు
వలస వృత్తి వరి
బువ్వ తినిపిస్తుండగానే
నీటి అవతారం మారిపోయింది .
కల్లకింపు ...కంటికింపుగా
సేద బావుల నీళ్ళన్నీ
మినరల్ మేకప్ తో
గొంతులు చల్లగా కాల్చుకుంటూ
జారుతుంది ....
చూస్తుండగానే
మార్కెట్లో నీతిశిలగా నిలబడింది
భూమిలోపలి జల
చెరువు శ్మశానమై
కడుపుల పూడ్చుకుంది వూరును...
మీసం మొలిచిన పిట్టలు
అమెరికాకో ఇంగ్లాండుకో
ఎక్కడెక్కడికి ఎగిరిపోయాయో
వెతకడం సాధ్యం కాదు ప్రేమను...
చూస్తుండగానే
కరెంటు కండ్లకిచ్చిన
ఆనందమ్
తీరకముందే
చార్జీల మినుగుర్లు రాలి
చూపు కాలిపోయింది....
ఉమ్మడి కుటుంబాల సౌరభామంతా
చీలికలైన విస్తరాయే ...చూస్తుండగానే ..
పలుక బలుపాలు పోయి
పలుకుబడి డాలర్ల పాలాయె చదువు ...
పచ్చని చెట్టు
తుఫాను కు వంగిపోయింది ....అమ్మ
చూస్తుండగానే ....
..................
No comments:
Post a Comment