ఓ బొమ్మ గీసి
దుఃఖాన్ని
గోడకి తగిలించాలి
లేదా
ఓ స్త్రీ పెదాలను
ఎప్పటికీ కనిపించేటట్టు
అలంకరిస్తే చాలు
నరాల మీద
తమ మగత పాదాలతో
గిలిగింతలు పెట్టేవాళ్ళను
ఇష్టమైన ద్రవంగా
మార్చి త్రాగాలి
రాత్రి
నిద్రమీద వాలేటప్పుడు
దుప్పటి కింద
అతికించిన
దుఃఖాన్ని
నిద్ర లేపాలి
కాసేపు దాంతో
సరదాలాడాలి
ఓ మిఠాయి లా
తినాలి
దుఃఖాన్ని...
.............
"ఓ మిఠాయి లా
ReplyDeleteతినాలి
దుఃఖాన్ని..."
మీ కవితల్లో వేదన దండలో దారం లా ఉంది. కానీ - బాధే సౌఖ్యమనే భావన రానీవోయ్ ఆ ఎరుకే నిశ్చలానందమోయ్ - అన్న తీరుగానూ ఉన్నాయి.