ఎప్పటికీ
ఏదో ఒక బాధ
దానికి రూపం ఉండదు
నువ్వనుకుంటున్నట్టు సరిహద్దులు
కూడా ఉండవు .
నన్ను కాపాడుకోవటం కోసం
అది ఆవహించుకు పోతుంది
వందశాతం వశీకరణ మంత్రమేదో ఉంది.
నేను దాన్ని ప్రేమించినట్టే
అది కూడా నన్ను ......
కనికరింపుల కలత
దుఃఖాన్ని సాదరంగా
చేయి పట్టుకు తీసుకువచ్చి
నిలబెడితే...
దాని దీనమైన ముఖానికి
నవ్వాగదు నాకు.....
నాకు నువ్వు కావాలి
దుఃఖం కూడా కావాలి .
..............
14-5-2014
No comments:
Post a Comment