3D కీటకం

కీటకం పాతదే
లక్షణం కొత్తది /కీలకమైనది
ఏటేటా కొత్త
జననాంగాలను పెంచుకుంటది

కరచాలనం నుంచి మొదలై
కులం వీపు మీదెక్కి
వర్గం గజ్జల్లోంచి
మెదడున చేరుకొని పుష్పిస్తుంది
దాని గుంపును అది గుర్తించుకొని
గుడ్లు పెడుతుంది

ఒకసారి నువ్వు కలిసిన పిదప
జాతకం తేలి పోతుంది
నువ్వే జాతి జీవమైనా సరే
దాని వెనకాల కదిలిన చాలు
ఫలితంగా ...అనేక ఖాళీల్లో
పీటలు వేయబడతాయి
కలిజీవిగా కాలం కలిసొస్తుంది

వ్యాపించడంలో చతురత కి
ప్రోత్సహించడంలో నాణ్యత కి
దానికి సాటిలేదు

దాని దారిన రాలేకపోతే
నీ దారిని కాపు కాస్తుంది
చుట్టూతా గూడుపుఠాని అల్లిక లో
నీ రసం తగ్గి ,రంగు వెలిసిపోతుంది

నీ కింద జలనం మాయం కావాలంటే
నీ గూటికి మహార్ధశ కలగాలంటే
కొంత సాగిల పడాలి లేదా
కొంత ధారపోయాలి /పొతే పోయింది

గమ్మత్తు తెలుసుకో...
నిన్ను భుజమెత్తి కీర్తించనూవచ్చు
భజనప్రియను సంతోషపరచరా డింభకా!

భజన చేసే విధము తెలియండి!
కలిపురుషులార మీరు .

.....
1-5-2014