ఈ ప్రపంచం ఇట్లా సాగకుండా ఆగదు.దాని పుట్టుక నీకు అంతు పట్టనట్టే ఎట్లా దొర్లుతుందో మాత్రం తెలుసుకునే తాపత్రయం వదులు.మనం ఇక్కడ గుండెలలో గుండెల్ని వెలిగించుకుంటూ మనసు నిండా మార్మోగుతున్న భజంత్రీల సాక్షిగా అణువణువును ఆలింగనం చేసుకుంటూ, అడ్డదిడ్డంగా బుద్దిని బెత్తం నీడన సవరించుకుంటూ బండి గిల్లను అనుకరించక తప్పదు .దూరాలను చేరుకోవటం ఏమీ ఉండదు.నీ దగ్గర కొచ్చేదే నిలువు అడ్డంగా చీల్చినా ,తర్కించినా మిగిలేది క్షణమే ...ఇంకా విభాగించినా ఆ క్షణ కణమే.నీ సంచీ ఖాళీ చేసుకో,మున్దేముందో పదునుకు నేర్పు .పనికిరాని ఆవరణలో లేని దుమ్ము నిండిన వాక్యాల్ని శుభ్రపరుచుకో .పరిమళపు నవ్వుల్నీ ఆశ లేకుండా ఆస్వాదించే మనసు గదుల్ని శుభ్రం చేసుకో.
ఆనందుడా...!
ప్రాణాన్ని వెన్నెల తో తడుపు.
No comments:
Post a Comment