Saturday, April 26, 2014

కరచాలనం చేయనివ్వనిది ఏదో ఉంది


రాత్రికి చెందిన ఏ ఒక్క కణాన్నీ
నీ కోసం దాచిపెట్టలేదు

నా మీదుగా నడిచి వెల్లినవే
వెళ్తూ...
నీ గురించిన కొన్ని వాక్యాలతో
నన్ను మోహితున్ని చేసినందున

ఐనా చాలా సార్లు
నువు పరిచయమో ...అపరిచయమో లెక్క తేలదు

ఒకరు తెలియడమంటే ఎలా?

ఆకృతి పూర్తిగానో ?
చర్మపుస్పష్టంగానో ?
కొరుకుడు భావంలోనో ?
లోపలి కేంద్రకంగానో ?
చిరునవ్వుల పై వాలిన చూపుల వరకో ?
అంగాలకి అవతలి తలం లోకో ?
పయనించడమా.....

ఎప్పుడూ ఒక కొరడా నిల్చుండటమే?
ఒంపుతిరిగి.

ఒక్క సారైనా నిన్నుకలిసింది
ఎప్పుడో తెలిసిన గుర్తులు తేలుతున్నాయి

ఏమో?

మధ్య...ఓ సముద్రమో...!
లేదా ఓ ఎడారి కాక్టస్ గుంపో !
ఇంకా లేదా
ఓ కన్నీటిచుక్కో
అటూ ఇటూ కలుపుతున్నది

.....

No comments:

Post a Comment