అసంకల్పిత రసన

ఊహలతో కూడిన కలలు
కొన్ని నక్షత్రపు ఆశ్చర్యాల్ని
వానచినుకుల చలికాంతినీ
ధారగా ఆస్వాదించే సమయాన
నువ్వు నన్ను అవలీలగా కలిచివేస్తావు


ఒక్క వేకువ యవ్వనాన్నీ
కూడా నిరాశగా
నీ ధ్యాస నుండి వేరుగా తిప్పనూ లేను

పనికిమాలిన వ్యసనమని
తోచిన ప్రతి కలయికా నా
ఆనందపు చలనాల్లో వేడుక చేసుకుంది

నిను కలిగిన తలపు
నా అణువుల అలల పై
పూల ఋతువును వెలిగించెనెందుకో...

కళ్ళల్లోంచి కళ్ళల్లోకి
ప్రవహించిన నిశ్శబ్ధమూ
సౌందర్యంతో నిగనిగ లాడిన
సమయాన్ని దాచిన స్థలం
తెలుసుకోవటం సుళువే సుళువే

తేలికైన బతుకు
నీ లే స్పర్శను రెపరెపలతో అల్లుకుంటుంది .

.....
23-4-2014