జెరం,ఒళ్లునొప్పులు,క్షణం నిద్ర లేదు

వేడి వేడి పొగ 
తలకాయ దగ్గర పొగ గొట్టం లోంచి ఊదినట్టు 
వొళ్ళంతా పాకిన సెగ 


ఏ మలుపులో 
ఎవరు ఊదారో ఎట్లా తెలిసేది ?
అందరూ ఒకే రకం మనుషులు .


మనసులో నిండిన గాస్ నొప్పులు 
బరువుగా వుండే వాక్యాలు 
వాపుతో కూడిన ఓదార్పు 


పలుచని ఆప్యాయత 
కనిపించకుండా ఏదో కలిపినట్టున్నారు 
రెండు వేళ్ళ మధ్య జిగురు జిగురు 


ఎక్కడ మొదలైన వైరసో.!
ఇంటింటి సోఫాల మధ్య 
మూలుగుతూ పైకి కనిపించని ప్రశాంతత.

    .....