కొన్ని ఆలస్యంగా తెలిసినా సరే
నిక్కచ్చిగా నిను తూకం వేసి
నీ సమర్ధత ఎన్ని మిల్లీమీటర్లకంటే తక్కువో కొలిచి
సజ్జనుల ముందర
నువు దాచుకోబోయిన
శూన్యాన్ని నివేదించక మానవు.
అయితే
ఒక్కడివే ఉన్నప్పుడు
వేసే ప్రశ్నలకి ఉక్కిరి బిక్కిరై
మందిలో ఒకడివై
మరిచిపోయే ప్రయత్నాన్ని లాగి లాగి
కొనసాగించుకొని తృప్తిగా
ఆగిపోతావు .....ఆ రోజుకి
బోరియల్లోకి,అక్కడినుండి చెట్లమీదికి,
ముల్లకంపల్లోకి,పూల తోటలోకి,
మల మూత్రాల వెంట
నిను మోసపుచ్చిన కోరికల మీదుగా
పచ్చని గడ్డి వాగుల వెంట
విశాల మైన మర్రి నీడ మీదికి....
నిన్ను వెతుక్కుంటూ
నీ వేయికాల్లనీ
నీ అదనపు ముఖాల్నీ
నీ అక్కరకు రాని చేతుల్ని
దాటి వచ్చిన శిబిరాల్లో మరిచి వచ్చిన
నటించిన చిత్రాల్ని
ఎంత తిరగేసినా గుర్తుపట్టవు
తేనె మండలం పైకి
భ్రమరాల ఆహ్వానాన్ని
ఆశపడతావు
నీ మాధుర్యమే దోచబడుతుందని
ఎప్పుడు తెలుసుకుంటా..... వో.!
.....
No comments:
Post a Comment