రోజులు ఒలికి పోతుండగా
చిలకరించ బడ్డ బతుకు
కొక్కాలైపోయి
మొక్కబోయి
వీపు మీద అతుక్కుపోయి
మోస్తున్న దుఃఖం జాలువారి
చారలు చారలుగా
అట్టలు కట్టుకొని వంకలు తిరిగి
మురికై
వాసన మూలాల మీద
దేవి దేవి __
చాలా సమయం నా పక్కనే
కూచున్నందుకు
గట్టి పరిచయమై
వదల్లేని పర్యవసాన
అశుభ సందర్భాల మెడల మీద
ఊరేగి ,
ఉప్పొంగి
నడిచి
మోకాళ్ళు విరిగి
వణికి ,ముసలితనం చర్మానికి
కథలు చెప్పి
ఏడ్పుకు పాట నేర్పి
గాలి కోణాల మీద రాత్రంతా
జలకాలాడి
సూర్యుడి ముఖాన్ని గుంజుకొని
కడుపులో అలలై పారుతున్న
ప్రపంచంలో
ముంచి
జోల పాడుకుంటున్నా .....
.....
No comments:
Post a Comment