నా పలకరింతను పసిగట్టినా
సగంలో వదిలి రాలేని పనికి
నిజం చెప్పలేవు ...
నలుగురికి జీవితాన్నిచ్చే పనిలో
నువ్వుంటావు
నేను ఒడ్డున కూచొని
ఒక్కో రాయిని నీ మీదికి
విసురుతుంటాను....
నీ ఆత్రంలో నీవు
మునకలేస్తుంటే
నా ఆత్రానికి ఒడ్డుకు
పిలుస్తుంటాను
నీ నుదుటి మీది
చెమట చుక్కలతో
సమయం ఆవిరౌతుంటే
ఆకాశంలో చుక్కల్ని
కిటికీ లోంచి ఒంపుతుంటాను ....
ఒత్తిడిలో ఎప్పుడో
కసురుకుంటావు.....
నీనూరుకోను
మళ్ళీ మళ్ళీ
నీ బెత్తపుమాటల కోసం
గడప దగ్గర
చేతులు చాస్తాను.
*****