కలలు రేపిన అలజడి
నీ తలపులతో కూడిన
కలత నిద్ర ...
చేతులు కలిసే ఉంటాయి
వాయిద్యాలు అనేకం
వాతావరణాన్ని విందు చేస్తాయి
శూన్యంలో వుండే ఆకాశంలో
అనేక కోట్ల నక్షత్రాలు
కోలుకుంటున్న నా లోపలి శూన్యం లో
నీతో మెరిసి పోతున్న
అనేక కోట్ల ఆకాశాలు
ఊపిరి నిండా
వెన్నెలని కుట్టుకుంటూ
జారిపోతున్న రాత్రికి, వేసిన గాలాన్ని
నాగది కిటికీకి తగిలించక తప్పలేదు
నీ రెండు లోకాలని
తిప్పుకుంటూ చెప్పిన కథలకి
ఆకాశానికి ,రాత్రికి నిద్ర లేదు
ఓదార్పు జాడ తెలిసింది
చల్లటి ప్రేమ కలిగిన చేతులు
భూమండలాన్ని జోకొట్టాయి
........***********...........
No comments:
Post a Comment