ముసురు ముసిరే

పొద్దుట్నుండి
వాటేసుకున్న చలి ముసురు 


పిడికెడు పిడికెడు 
చినుకుల్ని 
కలబంద ముళ్ళ చివర్న 
వాడి పోతున్న జామ మీద 
నా లోపలి జటరాగ్నికొమ్మల మీద 
బుస్సున పొగలు అగడై 


ఏదో తినాలని 
మెదడులోకి మొలకెత్తిన 
నాడులు వణికి 
నోటితో శ్వాసిస్తూ ,ఏగుతూ...


నీ నిప్పుల మీద 
నడిచే వాడికి 
ఇదో లెక్క కాదు కాని 


ఆకలికి మంత్రం 
తెలియదు  


నీ గుర్తు రేపిన 
గొయ్యిలో  
నేను  ముసురు తో 
కలిసి మునిగి పోతున్నా 


      .....