నీ హృదయంలో పట్టని ....

ఎందుకో ఓ సందర్భం 
ముచ్చట పడుతుంది 
గాలిని మచ్చిక చేసుకొని 
మన మధ్య చెండులా మారటం కోసం 


ఓ రహస్యం కనుగుడ్లు చిట్లి 
మోదుగు పువ్వులా అగ్గి వెదజల్లి 
మన ఉపరితలం ఫై 
మనసు సహా స్ఫోటకపు వాత  కాల్చివేస్తుంది


ఓ తలా తోకా లేని కౌగిలింత 
చిన్నప్పటి తాటి మట్టల బండిలా
గుంజుకుపోయి 
గుండెను డీ కొట్టి చిత్తడి చేస్తుంది 


ఓ రాత్రి 
మన యుద్ధాన్ని చూడలేక 
ఉడతలా ఉరికురికి 
పడకగది పుస్తకాల్లో నిర్వీర్యమౌతుంది 


నీ చేతులకి నా గుండె కణాలు 
ఏ సమాధానమూ చెప్పలేవు



ఓ చెలమ తోడి సిద్ధంగా ఉంటుంది
నన్ను చూసుకొమ్మని 








      .....