ఆశ లేని హాయి

పదాల దాహం పెదాల భోగం 
డబ్బుల మత్తు భూముల మైకం


ఒక్కో రుచి మెదడు
ఆశ వెంట పడ్డాక చావనివ్వదు


ప్రకృతి సౌందర్యపు చిగురుటాకుల 
కదలికలు నా కిష్టం 
నా ముందు నోట్ల రాశి పోసినా 
పూల గాలికి కొట్టుకొని పోతా 


ఎగిరిపోతున్న బంగారానికి 
పారాచూట్లు కట్టుకొని ఎగబడే వారుంటారు 
ఇంట్లో పూజ గదిలో దేవుడికి 
స్థితి విన్నవించుకుంటారు కుటుంబసభ్యులు 


కొన్ని కోట్ల కథలు మనముందు 
ప్రవేశపెట్టిన పేదరాశిపెద్దమ్మ ఆశ 
దోపిడీ రూపం మార్చింది 
దొంగతనం వేషం మార్చింది 
పరిపాలన రంగులు మార్చింది 
కొన్ని పదాల అర్ధమే 
భాష సాక్షిగా గడపదాటింది 


యుగాలనుండి నడిచొచ్చిన  మోహనాంగి 
పట్టుకురారా స్వామీ 
నోరు మెదపనివ్వకు
బిర్యానీ తినిపిస్తాననకు 
నాలుగు బుక్కలు ఏదుంటే అది కలిపి పెట్టు 


వాకిట్లో చాపేసుకొని
వెన్నెల ముఖం చూడు 
కాలు మీద కాలేసుకుని 
నాన్న చెప్పిన పద్యం చెప్పు 
తెల్లారి నీ పక్కనుంటే ఒట్టు 


             .....