చినుకు చినుకు

చినుకు చినుకు చినుకు 
చినుకు చినుకు చినుకు 
చిట్టి చిట్టి చినుకు 
తేనె జల్లు చినుకు 


రాత్రంతా చినుకు 
నిద్రంతా చినుకు 
చెవి నిండా చినుకు 
చెట్టు నిండా చినుకు 


పల్లె మీద చినుకు 
పశువు మీద చినుకు 
మట్టి మీద చినుకు 
మనసు నిండా చినుకు 


దారినిండ చినుకు 
దాయలేని చినుకు 
గాలి వెంట చినుకు 
గోల గోల చినుకు 


గుడిసె లోన చినుకు 
గుడి నిండా చినుకు 
రాతి కొండపై చినుకు 
రైతు గుండెలో చినుకు 


పిట్ట రెక్కపై చినుకు 
కోడి జుట్టుపై చినుకు 
ఎద్దు కొమ్ము పై చినుకు 
ఎక్కడైనా చినుకు 


రాక రాక చినుకు 
గడ్డి వాకిట చినుకు 
తాటి కొమ్మన చినుకు 
తోట కడుపున చినుకు


కొర్రు మీద చినుకు 
కోరికలపై చినుకు 
అమ్మాయి నవ్వు చినుకు 
అక్షింతలై చినుకు 


ఆకాశం పాట చినుకు 
మేఘాల మాట చినుకు 
మెరుపు ముక్కై చినుకు 
ఎగిరొచ్చిన సంద్రమే చినుకు 


తెల్ల మల్లె చినుకు 
అమ్మ చెయ్యి చినుకు 
భూమికి బువ్వ చినుకు 
ఆనందం మువ్వ చినుకు 


        .....