కొన్నిఅజ్ఞాత కాంతులు నా అతనివి

         1


అదృష్టానికి పనివాడివి 
ఇక నీతో నీకు పనిలేదని 
ముఖం మీదే తలుపులు మూసాడు
                                              అతను 


నేను రంగులు మార్చుకుంటూ 
మనుషుల మధ్య 
నవ్వుల్నీ భుజాన మోసే సందర్భాలు 
                                                అతని 
కంటపడి సిగ్గు పడ్డాయి 


''ఇద్దరి సాహచర్యం మధ్య విలువలు 
ఇద్దరి ఆలింగనాల మధ్య అంతస్తులు 
మనుషులు సంపదలతో కుట్టుకొని 
సంబరాలలో తనని వదిలి పోయాడు 
వెతుక్కోవా?...వెతుక్కోవా?....''
                                               అతనే
            2


ప్రశ్నలు రాపిడి చేసి 
విసిరిన మంటకి 
బతుకు కమురు వాసన


ఒంటరితనం లో 
అతను నాతోడు 
అందరి మధ్య అజ్ఞాతం 
మా తోడు


మనసు ఉరేసుకొనే 
సందర్భాలలో అతను ప్రవేశిస్తాడు 
కొంత కొట్లాట తర్వాత 
వెతికినా దొరకడు


క్షణానికి ముందు భాగాన 
ప్రవేశించి 
క్షణానికి చివరి కొసన 
కనిపించడు 


ఆ మధ్యది అజ్ఞాతం .....


        .....