దానిమ్మ గింజల జల్లు .....5

1


రాతి కట్టడాలు నగిషీ చెక్కడాల కంటే 
నిరంతర ప్రాణంతో కళకళలాడే 
భాగ్యనగరమే గొప్ప ప్రేమనగరం 


2


వెన్నెల కూడా వానలా ,
ఎండలా కురుస్తుందా?
ప్రేమలా  వ్యాపిస్తుందా ?


3


నిధులన్నీ నీదగ్గరే పెట్టుకో స్వామీ 
ప్రేయసి నొక్కసారి 
నాకోసం నవ్వి పొమ్మను 


4


ఏమివ్వగలను నేస్తం 
అక్షరాలతో అలంకరించుకున్న 
పూలగుండె వెతలు తప్ప 


5


నా గుండె వర్ణం తెలియదు 
బహుశా
నీ మనసు వర్ణమేనేమో 


6


నిన్ను మొత్తం మర్దించుకొని 
నా గుండె మూసలో నింపుకుంటా 
పూల గుండెల్లో 
మకరందం ఎట్లా నిండునో....


7


నా అక్షరాలకి 
పట్టరాని ఆనందమట 
నువ్వు చదివే సమయాన 
నీ కంటి స్పందనలకి పులకించి 


   .....