పునర్జన్మ ప్రయత్నం

మళ్ళీ పరిచయం చేసుకుందాం 
కొత్తగా నడక మొదలుపెడితే బాగుండునని...


ఇప్పటికే వచ్చిన దారి మనల 
ఆహ్లాదంగా ఆహ్వానించినా పట్టించుకోని 
నిర్దయులం.


అయినా సరే
ఏ సలహాలు సహాయపడకుండా 
ఎవరూ ఉపోద్ఘతాలతో 
ఉపమాన రసాలతో అలంకరించకుండా 


ఉన్నదున్నట్టుగా 


౩జి లో ,౩డి లో ప్రయాస పోకడల్ని 
పోగొట్టుకొని 


నిమ్మళంగా 


కళ్ళని మనసుని మాత్రమే కష్టపెట్టకుండా 
ప్రతిబింబాలకి పరవశించినట్టు 


పాలు చిట్లి పోకుండునట్లు 
ఏ పక్క చూసినా వెన్నెలే కలిసినట్టు 


సితాకోకల సందడిలా 
పుప్పొడి ఘుమ ఘుమ లకి 
సారధ్యం వహించుకుంటూ 


గడ్డి పరకల నిగ నిగలతో 


నిద్రలోని పసిపాప నవ్విన పరిమళపు నిశ్శబ్దం లా 


మనం మళ్ళీ 
దేహాత్మలను పిసికి 
ఒకే మొక్కలా ...
చిగుళ్ళని వెలిగిద్దాం 
వేళ్ళని బతికిద్దాం .


        .....