పుట్టుక

కొన్ని ప్రశ్నలతో పుట్టినందుకు 
అవెప్పుడూ నాతో పాటే 
పెరిగి ,ఎప్పటికప్పుడు ప్రశ్నిస్తాయి 


ఒక్కోసారి అవి నా ముందు 
పరుగెడతాయి 
నిద్రలో పక్కకు తిరిగితే 
ఒత్తుకుపోతాయి 


కళల మీద రాళ్ళు వేస్తాయి 
మెలకువకు రాగానే 
వ్యంగ్యంగా వెక్కిరిస్తాయి 


ఎప్పటికీ ఓ దుఃఖం 
ఈ ప్రశ్నలకు నాకు మధ్య 
సంధి చేస్తుంది 


ఈ శరీరం చుట్టూ అల్లుకున్న 
అనేక వలల్ని 
తెంపుకోవాలని చేసే ఏ ప్రయత్నము 
సఫలం కాకుండా ఈ ప్రశ్నలు 
అడ్డం తిరిగుతాయి 


నా నవ్వుల వెనక 
గుచ్చుకునే కొన్ని ప్రశ్నలు 
ఎప్పుడూ రగులుతూనే ఉంటాయి.

             .....