శ్రీ నౌదురి మూర్తి

మనసును కలవర పెట్టిన వాక్యాన్ని
వెంటనే కౌగిలించుకుంటాడు



కవి ఎవరనేది కాదతనికి ముఖ్యం
కవిత్వపు చిక్కదనమే
చక్కని సూచిక


అతని గుండెని తాకిన పద్యానికి
రెక్కలొస్తాయి
ఆంగ్లపు సూటు వేసుకొని దర్జాగా
కవి ముందు నిల్చొని గుర్తుపట్టమంటుంది


నౌదురి కంట్లో నలుసైనా పర్లేదు
మూర్తి ముఖంలో చిరునవ్వైతే ఇంకేముంది


మనందరికీ దూరంగా ఉన్నా
ఏదో ఓ రాత్రి సమయాన
ఓ కంట కనిపెట్టు కుంటూ
కనుగీటుకుంటూ పోయే
తర్జుమా తాత.

.....