ఎట్లా కుదిరితే అట్లా బతకడమే

ఈ పూటకి అంచుకు వున్న
చింతకాయ పచ్చడి రుచిని చప్పరించడమే

ఎదుటివారి వెటకారంలో
భాగమైతే ఆనందించడమే.

ఎట్లా నడుస్తామో ...ఎదురవ్వడమే

వున్న స్థితిని హత్తుకోవటానికి
మనసుని మురిపించటమే

ఏదీ తప్పించుకోలేని దశని
నిశ్శబ్దం తోడుగా నింపుకోవడమే.

ఎట్లా అని అడగకుండా వుండటమే

దుప్పటి లేకపోతే
చలిని వణుకుతూ వుడికించడమే

చీకటిని చూడగల్గిన కళ్లకి
హృదయాన్ని ధారపోయటమే.

.....
20-11-2013