ఏరోజుకారోజు

''నేనంతే ''అంటాను 
కాదేమోనన్న సంశయం 
నువ్వు చెప్పకుండానే 
ముఖ కండరాలు ముక్కలు చెక్కలౌతాయి


వేపపూత ప్రేమని 
ఏ గాలీ దయ తలచదు 


ఛాతీ మధ్య దుఃఖం లో 
అన్నీ మసౌతాయి పోనీ భస్మమౌతాయి 


నడక కూడా నమ్మకం లేకుండా 
వెంట పడుతుంటే నువ్వు మాత్రం ఏంచేస్తావ్ 


ఐనా 
ఒక బాధని ధ్యానించు కుంటూ 
నీ అర్ధం లో ప్రేమించుకుంటూ 
బతకడం గొప్పే నని నిశ్చయించు కున్నాక 
ఇక మిగిలిన ఆలోచనలకి 
ఆయుష్షు తక్కువే 


సరే 
నీకు మాట్లాడాలన్పించినపుడు
ఓ మిస్స్డ్డ్ డ్ కాల్ మీద నమ్మకముంచు 

          .....