ఎరుక 1

తన్మాత్రలు లేవో 

తదర్ధాలు లేవో 

మూసిన ప్రార్ధనల వేళ

దారులు కనిపించ కుంటే మాత్రం 

నువ్వొక్కడివీ వస్తే వస్తావు 

మాటల నాడులు తెగినాయో 

తదర్దాల శరీరాలు చితికాయో 

రెండో దారి లేని కాలం వెంట 

రాతలు పులకరించకుంటే మాత్రం 

రావాలనుకుంటే వస్తావు 

కనుపాపల నక్షత్రాలు రాలాయో 

తద్దీపపు వెలుగులు కుమిలాయో 

హృదయం గడియ మూసే వేళ 

వేచిన తరువులు వీయకుంటే మాత్రం 

నువ్వొక్కడివీ,నేనెక్కడికీ పోనని 

వస్తే వస్తావు 

కడుపారా.

    .....