కాలం వెంట ...

ఎవరూ కాజేయని
విలువలకి సెలవుండదు

ఎటో వెళ్ళిపోతూ
కొన్ని కుంగి పోయే సమయాల్ని
నిమురుకుంటూ
పరువపు వాక్యాల తోడుగా
నీక్కావాల్సిన పూలని
కంటి మైదానం లో పూయించు కుంటావు

ఎడారులను నిమురుకుంటూ
ఎవరూ కొలువని
భూదేవత కట్టమీది ఉగ్ర రూపాన్ని
నీ తడి నెత్తురుతో
ఆరబోసుకుంటావు

నీ లోపల ప్రవహించే
గాలి దుమారాన్ని
వృధాగా ఎగిరిపోకుండా
కాసేపు నీ తల రంధ్రాలను మూసిపెట్టు

గాలి పటం ఆనందమై
విహరిస్తున్నది
ముళ్ళ కనుమలు కొలువు దీరాయి గురువా!
పైలం.

.....
15.1.2013

DR GURUSWAMY PULIPATI