కలవరం

ఏవి ఎక్కడుంటాయో 
ఎవరికీ తెలియదు 


పుచ్చు అవయవాలు కూడా 
ఒక్కోసారి ఎదురొస్తాయి 


అంతమేరకే అంగం తొలగించి 
హత్తుకొని దాచుకోవాల్సిందే 


మనుషుల గురించి 
అవయవాలక్కూడా ఏమీ తెలియదు 


దుఃఖాన్ని తొడుక్కున్న మనసు 
కన్నీటితో చల్లబడక ముందు 
అగ్నిపర్వత గర్భం తలనిమురుతుంది 


నీటికి వాసన లేదంటాం కానీ 
మలినాలు మోసుకున్నాక 
ఎదో ఒకటి కప్పుకోవాల్సిందే 


తెరలు తెరలుగా 
ఆనందాల మధ్య మెలికలతో దుఃఖం 
కుట్టుకుంటూ పోతూనే ఉంటుంది 


జీవితం ఎవరికీ పరిచయం కాదు 
దాని దారి దానిదే .

      .....