కడుపుల కాలితే

మనమిపుడు
కడుపులోంచి గానం
మొదలు పెట్టవచ్చు


రాత్రిని మెలిపెట్ట వచ్చు ,ఆ
కునికు పాట్లని నగరమవతలికి
నెట్టవచ్చు ,లేదా
కరగదీసి,గడ్డ కట్టించి
దాచవచ్చు

ఆరాధించ వచ్చు ,ఆ
పిలిస్తే పోగలిగిన నడక వెంట
హృదయంతో , లేదా
తలచి తలచి
కోరిక మెడపట్టి గిల్ల వచ్చు

పేల్చవచ్చు ,ఆ
కనుబొమల మీది కాంక్షని
చెరగవచ్చు ,లేదా
అనువదించి
గోడ మీద అతికించ వచ్చు

మనమిపుడు
అక్షరాల్లోంచి అగ్నిని
వదలవచ్చు

.....